د ملګرو ملتونو د بشري حقونو عالي کمیشنر ولکر ترک د کوربه هیوادونو څخه د افغان کډوالو د دوامداره جبري اخراج په اړه خبرداری ورکړی او ویلي یې دي چې دا پروسه د نړیوالو بشري حقونو او د کډوالو د قانون خلاف ده.
هغه په اروپايي هیوادونو غږ وکړ چې د انفرادي خطر ارزونې پرته افغان اتباع ونه باسي، ځکه چې افغانستان د بشري بحران، ناامنۍ او د بشري حقونو له سخت وضعیت سره مخ دی.
د ملګرو ملتونو د احصایو له مخې، د روان کال له پیل راهیسې نږدې ۲۷۰،۰۰۰ افغان کډوال، چې په عمده توګه له ایران او پاکستان څخه دي، افغانستان ته شړل شوي دي.
