د پاراګوای ولسمشر سانتیاګو پنیا، چې د ډونالډ ټرمپ او بنیامین نتانیاهو له متحدینو څخه ګڼل کېږي، د پنجشنبې په ورځ د بانکي کړکېچ له پراخېدو او سیاسي فشارونو د زیاتېدو وروسته خپله استعفا اعلان کړه. د «اوئنو» بانک تړل کېدل او شاوخوا درې میلیونه پېرودونکو ته خپلو بانکي حسابونو ته د لاسرسي بندېدل د دغه کړکېچ له مهمو لاملونو څخه بلل شوي دي.
پنیا د خپلې استعفا د اعلان پر مهال د هېواد د ثبات ساتل او د سپما کوونکو د ډاډ او ارامۍ ټینګښت د خپلې پرېکړې لاملونه بللي دي؛ خو سیاسي مخالفانو نوموړی د تقاعد د سرچینو په ناوړه ګټې اخیستنې، د ګټو په ټکر او د بانکي کړکېچ د هواري په برخه کې په بېغورۍ تورن کړی او په پارلمان کې یې د هغه د استیضاح بهیر هم پیل کړی و.
د راپورونو له مخې، د ولسمشر مرستیال پدرو الیانا به د هغه ځایناستی شي؛ خو د پنیا استعفا باید د پارلمان له لوري وڅېړل شي او تایید شي.
پنیا د خپلې ولسمشرۍ پر مهال له اسرائیلو سره د پاراګوای اړیکې پیاوړې کړې وې او بیتالمقدس ته یې د خپل هېواد د سفارت د لېږدولو خبر ورکړی و. د هغه حکومت همداراز پر ایران د امریکا او صهیونیستي رژیم له بریدونو ملاتړ کړی و.
#پاراګوای #سانتیاګو_پنیا #ډونالډ_ټرمپ #نتانیاهو #بانکي_کړکېچ #امریکا #اسرائیل
