د اسیا د ونډو بازارونه د جمعې په ورځ، د نومبر په ۶مه، د ټکنالوژۍ شرکتونو د ونډو د پلور او د مصنوعي ځیرکتیا په برخه کې د پانګونې د راتلونکي په اړه د اندېښنو له امله د شاخصونو له سخت کمښت سره مخ شول.
د سویلي کوریا د یونهاپ خبري اژانس د راپور له مخې، د دغه هېواد د ونډو بازار شاخص د معاملاتو په پیل کې شاوخوا ۸.۸ سلنه راولوېد او د ۸ سلنې څخه د زیات کمښت له امله د دغه هېواد د ونډو بازار ادارې د ۲۰ دقیقو لپاره معاملې ودرولې.
په جاپان کې هم د نیکي ۲۲۵ شاخص د سهارنۍ معاملې پر مهال له ۷ سلنې څخه زیات راکم شو او د ۶۰ زره واحدونو له کچې ښکته شو.
راپورونه ښيي، چې د امریکا د منځنۍ دورې ټاکنو د پایلو وروسته د معلوماتو زېرمه کولو مرکزونو د پراختیا او د مصنوعي ځیرکتیا اړوند پانګونو د بهیر د احتمالي ورو کېدو په اړه اندېښنې، د ټکنالوژۍ شرکتونو پر ونډو د فشار له مهمو لاملونو څخه دي.
