په پاکستان کې د سویس سفیر ستیفان ری، د افغانستان لپاره د بریتانیا له ځانګړي استازي ریچارډ لېنډزي او په اسلاماباد کې د ناروې له سفیر سیګوالد هاوګه سره لیدلي او د افغانستان د روان وضعیت او پر سیمه یې د اغېزو په اړه خبرې کړې دي.
ستیفان ری ویلي، چې یو باثباته افغانستان د سیمې د ټولو هېوادونو په ګټه دی او دې موخې ته د رسېدو لپاره له نړیوالې ټولنې سره دوامداره تعامل، د شریکانو ترمنځ نږدې همغږي او د سیمې له هېوادونو سره د خبرو اترو دوام اړین دي.








