د هیواد د اسلامي امارت د کورنیو چارو وزیر خلیفه سراج الدین حقاني د وزارت د مشرتابه په یوه غونډه کې د خلکو د شخصي او ټولنیز امنیت د ډاډمنولو لپاره د هڅو د زیاتوالي پر اړتیا ټینګار وکړ.
دغه غونډه چې د چهارشنبې په ورځ (۱۹ وږی ۱۴۰۴) جوړه شوه، د وزارت د مختلفو څانګو مرستیالانو، رئیسانو او چارواکو پکې ګډون درلود.
د کورنیو چارو وزارت ویاند عبدالمتین قانع د حقاني په حواله په یوه بیان کې اعلان وکړ چې هغه پولیس ځواکونه “د خلکو ریښتیني خدمتګاران” وبلل او له هغوی یې وغوښتل چې د خلکو د باور د پیاوړتیا لپاره شپه او ورځ کار وکړي.
ښاغلي حقاني د خلکو لپاره د امنیت او سولې په رامنځته کولو کې د پولیسو د رول پر اهمیت ټینګار وکړ او د غوره خدماتو د وړاندې کولو لپاره یې د دې ځواکونو د فعالیت د ښه والي غوښتنه وکړه.
د ښاغلي قانع په وینا، په دې غونډه کې د کورنیو چارو وزارت د مختلفو څانګو کاري راپورونه وړاندې شول او د فعالیتونو د همغږۍ او ښه والي لپاره اړین امرونه صادر شول.
