د غزني د عامې روغتيا رييس وايي، چې تېره شپه په دغه ولايت کې په دوو ترافيکي پېښو کې لږ تر لږه ٤٦ تنه مړه او ٨٠ نور ټپيان شوي دي.
د غزني د عامې روغتيا رييس زرک زيار وويل چې په وژل شويو او ټپيانو کې ښځې او ماشومان هم شامل دي.
لومړۍ پېښه د غزني په مرکز کې د کابل-کندهار پر لویه لار د یوه ټانکر سره د ۵۸۰ ډوله مسافر وړونکي موټر د ټکر او دوهمه پېښه د ناني په سیمه کې د یوه مسافر وړونکي موټر د ټکر له امله رامنځ ته شوې ده.
د غزني د عامې روغتیا رییس وايي، د یو شمېر ټپیانو روغتیايي وضعیت نازک و، چې کابل ته لېږدول شوي دي.
