د عراق صدراعظم علي فالح الزیدي امریکا ته د خپل رسمي سفر اعلان کړی دی.
د هغه په وینا، د عراقي سوداګرو او اقتصادي فعالانو یو پلاوی به په دې سفر کې ورسره ملګری وي.
د عراق صدراعظم وویل چې د دې سفر موخه د ګډې پانګونې فرصتونو پراخول، د پانګې جذبول او د بغداد او واشنګټن ترمنځ د اقتصادي همکارۍ پیاوړتیا ده.
هغه ټینګار وکړ چې د متحده ایالاتو سره د اقتصادي او سوداګریزو اړیکو پراختیا د عراقي حکومت یو له لومړیتوبونو څخه دی او دا سفر کولی شي د دواړو هیوادونو ترمنځ د لا زیاتې همکارۍ لپاره لاره هواره کړي.
#عراق #امریکا #علي_فالح_الزیدي #پانګه اچونه #اقتصاد #دوه اړخیزې_اړیکې
