افغانستانسیمه

له ۴۰۰ څخه ډېر افغان کډوال د پاکستان له زندانونو خوشې او بېرته هېواد ته راستانه شول

د کډوالو او راستنېدونکو چارو وزارت اعلان کړی، چې ۴۰۹ تنه افغان کډوال چې د پاکستان په زندانونو کې بندیان وو، د روانې اوونۍ په ترڅ کې خوشې شوي او بېرته هېواد ته راستانه شوي دي.

د دغه وزارت د خبرپاڼې له مخې، له خوشې شویو کسانو څخه ۲۹ تنه د کندهار ولایت د سپین بولدک بندر او ۳۸۰ تنه نور د ننګرهار ولایت د تورخم له لارې هېواد ته داخل شوي دي.

د یاد وزارت په وینا، راستنېدونکي کسان له نوم‌لیکنې وروسته د همکارو بنسټونو په همکارۍ له مرستو برخمن شوي او خپلو اصلي سیمو ته لېږدول شوي دي.

اړونده مقالې

نظرونه اضافه کړئ

ستاسو برېښناليک به نه خپريږي. غوښتى ځایونه په نښه شوي *

Back to top button