سینټ پیټرزبورګ ته د خپل سفر په جریان کې، مولوي ګل حسن حسن په دې ښار کې له میشتو یو شمیر افغانانو سره ولیدل او خبرې یې وکړې.
په روسیه کې د افغانستان سفارت اعلان وکړ چې په دې غونډه کې په روسیه کې د میشتو افغانانو سوداګریزې، ټولنیزې او قونسلګرۍ ستونزې بحث شوې، او ګډونوالو خپل نظرونه، وړاندیزونه او غوښتنې له سفیر سره شریکې کړې.
مولوي ګل حسن حسن ډاډ ورکړ چې د افغانانو ستونزو ته رسیدګي او په روسیه کې د اړینو خدماتو او اسانتیاوو برابرول د سفارت له لومړیتوبونو څخه دي.
هغه په روسیه کې د میشتو افغانانو ترمنځ د یووالي، همغږۍ او متقابلې همکارۍ پر اهمیت هم ټینګار وکړ.
#افغانستان #روسیه #سینټ پیټرزبورګ #ډیپلوماسي #افغانان_ژوند_بهر
