چین د نړۍ لومړی بشپړ روبوټیک هوټل جوړوي، یو کمپلیکس چیرې چې د میلمنو هرکلی څخه تر پاکوالي او امنیت پورې ټولې لویې خدمات به د روبوټونو لخوا اداره شي.
دا پروژه، چې د چین په سویلي برخه کې د شینزین-ژونګشان سمندري دهلیز کې به په مصنوعي ټاپو کې جوړه شي، د ګرځندوی صنعت کې د ټیکنالوژۍ او مصنوعي استخباراتو د پرمختګ سمبول ګرځیدلی.
د هوټل د خدماتو اووه مهمې برخې، پشمول د میلمنو هرکلی، د سامانونو اداره کول، د خونې خدمت، د خوړو رسولو، پاکوالي، امنیت او متقابل لارښوونې، به په بشپړ ډول د روبوټونو لخوا اداره شي.
د پوډو روبوټکس تخنیکي رییس ګو چونګ وویل چې ټول روبوټونه به په یوه ګډ پلیټ فارم کې کار وکړي او کولی شي د انساني مداخلې پرته خپلې دندې همغږي او اداره کړي.
د پروژې چارواکو اعلان کړی چې په راتلونکي کې، په دې ټاپو کې د استوګنې او ګرځندوی ټوله پروسه، د سیلانیانو له راتګ څخه تر لیدنو ځایونو او پیرودلو پورې، به اتومات شي.
تمه کیږي چې په ۲۰۲۷ کال کې به د دې کمپلیکس لخوا لومړني سیلانیان هرکلی شي.
د لاندې لینک څخه د خبرونو پورې اړوند ویډیو وګورئ
https://t.me/SafirTelevision1/32634
#چین #مصنوعي_استخبارات #روباټ #روبوټیک_هوټل #ټیکنالوژي #ګرځندوی
