د امریکا ولسمشر ډونالډ ټرمپ په یوه مطبوعاتي کنفرانس کې اعلان وکړ چې هغه باور لري چې په هغه هوټل کې د ډزو پېښه چې د سپینې ماڼۍ د خبریالانو ډوډۍ پکې جوړه شوې وه د ایران له جګړې سره تړاو نلري، خو دا پېښه تر څېړنې لاندې ده.
هغه دا هم وویل چې وسله وال کس د امریکا د امنیتي ځواکونو او پټو ادارو لخوا په چټکۍ سره ونیول شو، او په پېښه کې یو امنیتي افسر ټپي شو، خو د هغه روغتیايي حالت ښه بلل شوی دی.
ټرمپ زیاته کړه چې بریدګر د څو وسلو سره په یوه پوسته برید کړی و، خو د امنیتي ځواکونو لخوا یې مخه نیول شوې وه او د نورو تلفاتو مخه نیول شوې وه.
ترسره شویو څېړنو ته په اشارې سره، هغه ټینګار وکړ چې د غونډې په ځای کې د امنیتي تدابیرو کچه کافي نه وه.
ټرمپ دا هم وویل چې د سپینې ماڼۍ د خبریالانو ډوډۍ به په نږدې راتلونکي کې بیا ترسره شي.
د لاندې لینک څخه د خبرونو پورې اړوند ویډیو وګورئ
https://t.me/SafirTelevision1/31450
