د طبیعي پیښو پر وړاندې د چمتووالي ملي ادارې په یوه مطبوعاتي اعلامیه کې اعلان وکړ چې د ماشومانو د ساتنې بنسټ سره د لاسلیک شوي تفاهم لیک پر بنسټ، د ننګرهار ولایت د طبیعي پیښو پر وړاندې د چمتووالي ریاست د دې بنسټ په مالي او تخنیکي همکارۍ سره د دې ولایت په بیلابیلو ولسوالیو کې د جګړې له امله ۵۰۸ داخلي بې ځایه شویو کورنیو ته نغدي مرسته وویشل شوه.
په دې پروسه کې، د اړوندو چارواکو په شتون کې، هرې کورنۍ ته ۱۰،۷۰۰ افغانۍ ورکړل شوې، چې د ویشل شویو مرستو ټولټال اندازه ۵،۴۳۵،۶۰۰ افغانیو ته ورسیده.
دا مرسته د شخړو له امله اغیزمنو شویو کورنیو سره د مرستې او په سختو شرایطو کې د دوی د ژوند ستونزو کمولو په هدف ویشل شوې، او د داخلي بې ځایه شویو کورنیو لپاره د اسلامي امارت د ملاتړ پروګرامونو یوه برخه ده.
