د ترانسپورت وزارت خبرداری ورکوي: سبا د افغانستان په ۱۴ ولایتونو کې د باران او واورې ورېدو امکان شته

د افغانستان اسلامي امارت د ترانسپورت او ملکي هوايي چلند وزارت اعلان وکړ چې سبا، دوشنبه (۲۴ د لیندۍ ۱۴۰۴) د هیواد په څو ولایتونو کې د باران او واورې ورېدو امکان شته.

د وزارت د وړاندوینې له مخې، د بدخشان، تخار، بغلان، سمنګان، بلخ، دایکندي، ارزګان، زابل، کندهار، سرپل، جوزجان، فاریاب، غور او بادغیس ولایتونه به د دې هوا پدیدې شاهد وي.

تمه کیږي چې په مختلفو ځایونو کې د باران اندازه د ۱۰ څخه تر ۲۰ ملی مترو پورې او د واورې اندازه د ۱۰ څخه تر ۳۰ سانتي مترو پورې وي.

د ترانسپورت وزارت له ښاریانو، موټر چلوونکو او مسافرو څخه وغوښتل چې اړین احتیاطي تدابیر ونیسي او په غرنیو لارو کې له غیر ضروري سفرونو ډډه وکړي.