د اسلامي امارت د بیا رغونې د پنځمې کلیزې په درشل کې، د ملګرو ملتونو تعلیمي، علمي او کلتوري سازمان (یونیسکو) په افغانستان کې د ښځو او نجونو لپاره د زده کړې حق د سمدستي او غیر مشروط بیارغونې غوښتنه کړې ده.
یونیسکو ویلي چې افغانستان په نړۍ کې یوازینی هیواد دی چې نجونې او ښځې په رسمي ډول د لومړني کچې هاخوا له زده کړې څخه بې برخې دي، او په ۲۰۲۶ کال کې به شاوخوا ۲.۴ میلیونه نجونې ثانوي زده کړو ته لاسرسی ونلري.
سازمان زیاته کړه چې نږدې ۷۰،۰۰۰ خلکو د یونسکو د زده کړې او مهارتونو د روزنې پروګرامونو څخه ګټه پورته کړې ده، چې ۷۳ سلنه یې ښځې دي.
#افغانستان #یونیسکو #تعلیم #نجونې #ښځې #تعلیم #سفیر تلویزیون
