د فرانسې د عامې روغتیا وزارت اعلان وکړ چې په هیواد کې د ایبولا ویروس لومړۍ قضیه کشف شوې ده.
د راپورونو له مخې، په دې ناروغۍ اخته کس یو ډاکټر دی چې د کانګو په دیموکراتیک جمهوریت کې د بشري مرستو له ماموریت وروسته فرانسې ته راستون شو او ازموینو تایید کړه چې هغه په ایبولا اخته دی.
د فرانسې روغتیایی چارواکو د قرنطین اقدامات او د هغو خلکو تعقیب پیل کړی چې د ناروغ سره په تماس کې راغلي او ټینګار یې کړی چې په هیواد کې د ناروغۍ د لویې کچې خپریدو خطر ټیټ ارزول شوی دی.
دا پیښه په داسې حال کې رامنځته شوه چې د کانګو په دیموکراتیک جمهوریت کې د ایبولا خپریدل دوام لري او نړیوالې اندیښنې یې راپورته کړې دي.
د ایبولا ویروس یوه سخته او ځینې وختونه وژونکې ناروغي ده چې د اخته خلکو یا څارویو د وینې او د بدن مایعاتو سره د مستقیم تماس له لارې لیږدول کیږي.
#فرانسه #ایبولا #د کانګو دیموکراتیک_جمهوریت #عامه_روغتیا #د ساري_ناروغي
