اروپایي ټولنې په افغانستان کې د ایټالیا ډیپلومات نیکولا بیلومو د خپل ماموریت د نوي مشر په توګه ونوماوه.
د اروپايي سرچینو په وینا، بیلومو اوس مهال د اروپايي ټولنې د افریقایي چارو د څانګې مشر دی او پخوا یې په روانډا کې د اروپايي ټولنې د سفیر په توګه دنده ترسره کړې ده.
ټینګار شوی چې د دې دندې لپاره د هغه وروستۍ ټاکنه به د افغانستان اسلامي امارت د اړونده اداري پروسیجرونو له تصویب او بشپړولو وروسته ترسره شي.
دا اقدام د افغانستان سره د اروپايي ټولنې د دوامداره ډیپلوماټیکو اړیکو یوه برخه ده.
#افغانستان #اروپایي_اتحادیه #ډیپلوماسي #نیکولا_بیلومو #نړیوال_اړیکې
