په مالیزیا کې د افغانستان د اسلامي امارت شارژدافیر نقیب الله احمدي د مالیزیا د بهرنیو چارو وزارت د مرکزي او جنوبي آسیا د څانګې له مشر اوغولي نور یانتي سره ولیدل.
په دې کتنه کې، دواړو خواوو د دوه اړخیزو اړیکو د پراختیا، د اقتصادي او ټولنیزو همکاریو د پیاوړتیا، د افغان اتباعو لپاره د کار فرصتونو د رامنځته کولو، په مالیزیا کې میشتو افغانانو ته د ډیرو اسانتیاوو برابرولو او په سیمه کې د وروستیو پرمختګونو د بیاکتنې په اړه نظرونه تبادله کړل.
دواړو خواوو ټینګار وکړ چې د سوداګریزو اړیکو او همکارۍ پراختیا د دواړو هیوادونو په ګټه ده او په دې برخه کې یې د لا پرمختګ هیله څرګنده کړه.
