د افغانستان د فوټبال فدراسیون اعلان وکړ چې د هیواد د ۱۵ کلنو ملي فوټبال لوبډله د ۱۵ کلنو نړیوال جام لپاره غوره شوه.
د فدراسیون د مطبوعاتي اعلامیې له مخې، د ۱۵ کلنو نړیوال جام به د ۲۰۲۶ کال د اکتوبر له ۲۲ څخه تر ۳۱ پورې په اذربایجان جمهوریت کې ترسره شي، او د فیفا غړو هیوادونو څخه د ۱۵ کلنو ټیمونه به پکې برخه واخلي.
د افغانستان د فوټبال فدراسیون زیاته کړه چې د ۱۵ کلنو نړیوال جام او د فوټبال فستیوال د فیفا د نړیوال استعداد د پراختیا پروګرام برخه ده، چې موخه یې د ځوانو لوبغاړو روزنه، د نړیوالو تجربو زیاتول، د تخنیکي مهارتونو پیاوړتیا او د فوټبال راتلونکي نسل چمتو کول دي.
په دې سیالیو کې د افغانستان د ۱۵ کلنو ملي لوبډلې شتون د فوټبال د ودې او پراختیا او د هیواد د ځوانو استعدادونو لپاره د نړیوالو فرصتونو برابرولو لپاره یو مهم ګام ګڼل کیږي.
#افغانستان #فوټبال #د ۱۵ کلنو_نړیوال_کپ #فیفا #لوبې
