ارسنال او پاریس سینټ جرمین به نن شپه (شنبه) د چیمپینز لیګ په فاینل کې سره مخامخ شي.
دا مهمه لوبه به د کابل په وخت د شپې په ۸:۳۰ بجو ترسره شي او دواړه ټیمونه به د اروپایی فوټبال ترټولو معتبر کلب ټرافي لپاره یو بل سره مخامخ شي.
فاینل به په پوسکاس ارینا کې ترسره شي؛ یو لوبغالی چې د ټولې اروپا څخه به زرګونه مینه وال کوربه وي.
ارسنال به په لوړ روح سره دې لوبې ته ننوځي؛ هغه ټیم چې پدې میاشت کې یې د ۲۲ کلونو وروسته د انګلیسي پریمیر لیګ لقب وګاټه او اوس د فصل دوهم لوی ټرافي ګټلو په لټه کې دی.
له بلې خوا، پاریس سینټ جرمین هیله لري چې د دې لوبې په ګټلو سره د اروپایی اتلولۍ ویاړ خپل ریکارډ ته اضافه کړي او فصل د تاریخي لاسته راوړنې سره پای ته ورسوي.
