سپوتنیک خبري اژانس راپور ورکړی چې د روسیې ولسمشر ولادیمیر پوتین به د چین د ولسمشر شي جین پینګ په بلنه د می په ۱۹-۲۰ چین ته رسمي سفر وکړي.
د خپل سفر څخه مخکې د چین خلکو ته په یوه وینا کې، پوتین ټینګار وکړ چې مسکو او بیجینګ د نړیوال قانون او د ملګرو ملتونو د منشور د دفاع لپاره په ګډه کار کوي.
هغه دا هم وویل چې روسیه او چین د دواړو هیوادونو د خلکو سره د نږدې کیدو او یو بل ښه پیژندلو لیوالتیا لري.
د روسیې ولسمشر زیاته کړه چې د دواړو هیوادونو ترمنځ اړیکې بې ساري کچې ته رسیدلي دي او دواړه خواوې د دوه اړخیزې همکارۍ او هر اړخیز پرمختګ د پراخولو لپاره ګډې هڅې کوي.
د لاندې لینک څخه د خبرونو پورې اړوند ویډیو وګورئ
https://t.me/SafirTelevision1/32200
