د چاپېریال ساتنې عمومي ریاست اعلان وکړ چې د ځنګلي ژوند د ساتنې لپاره د هڅو په دوام کې، په هرات ولایت کې د وحشي مرغیو ۳۶ وزرونه بیرته طبیعت ته راستانه شوي دي.
په دې مرغیو کې د تیتر ۱۵ وزرونه، د مینا ۸ وزرونه، د باز ۱۲ وزرونه او د عقاب یوه وزر شامل وو چې د چاپیریال ساتنې له سرغړونکو څخه ضبط شوي او د تخته صفر تفریحي پارک په شنه سیمه کې خوشې شوي دي.
د چارواکو په وینا، له څېړنو وروسته، سرغړونکو ژمنه کړې چې په راتلونکي کې به د چاپیریال ساتنې قوانینو څخه د سرغړونې له کړنو ډډه وکړي.
د چاپېریال ساتنې ریاست زیاته کړه چې دا اقدام د ژویو تنوع ساتلو او د چاپیریال ساتنې کلتور پیاوړي کولو لپاره د روانو پروګرامونو په دوام کې ترسره شوی.
دې ادارې دا هم ټینګار وکړ چې د څارنې، قانون پلي کولو او د عامه پوهاوي لوړولو هڅې به دوام ولري.
