د بهرنیو چارو وزارت سیاسي مرستیال مولوي عبدالکبیر په سپېدار ماڼۍ کې د کابل پوهنتون له مسؤلینو او محصلینو سره په کتنه کې وویل، اسلامي امارت په سیاسي او اقتصادي برخو کې د افغانستان د روښانه کولو لپاره ډېر کار کړی دی او اوس مهال په مختلفو هیوادونو کې 40 رسمي استازي لري، او د نړۍ سره یې تعامل مثبت دی.
هغه همداراز ټینګار وکړ چې اسلامي امارت د هیڅ هیواد په کورنیو چارو کې لاسوهنه نه کوي او نه هم نورو هیوادونو ته اجازه ورکوي چې د افغانستان په کورنیو چارو کې لاسوهنه وکړي.
د بهرنیو چارو وزارت سیاسي مرستیال زیاته کړه: اسلامي امارت یوازې د نړۍ له هېوادونو سره ښې اړیکې غواړي، خو د اسلام له اصولو او د نورو د خوښۍ لپاره له اسلامي اصولو سره په ټکر کې خبرو ته زړه نه ښه کوي. ”
په دې غونډه کې د کابل پوهنتون مسوولینو د (افغانستان مطالعاتو) تر نامه لاندې د ماسټرۍ د نوي پروګرام په اړه معلومات وړاندې کړل.
مولوي عبدالکبير د دغه پروګرام له پيل څخه د خوښۍ په څرګندولو سره له محصلينو وغوښتل چې په بهر کې مېشت افغان کدرونه هېواد ته راوغواړي.
