د اسلامي امارت ویاند ذبیح الله مجاهد (دونۍ د تله ۹مه) د یوې خبرپاڼې په خپرولو سره اعلان کړی، چې د دارالامان په سیمه کې د څارنوالۍ او نظارت ریاست په کارکوونکو د برید د عاملینو د نیولو خبر ورکوي. چې په څېړنو کې معلومه شوې، چې دغه کسان د پاکستان د مستونګ له بلوچستان څخه راغلي وو.
د مجاهد په وينا، نيول شويو کسانو په باميانو کې پر بهرنيو سيلانيانو په بريدونو کې هم لاس درلود.
د مجاهد په وينا، په نيول شويو کسانو کې يو تاجک تبعه هم شامل دى چې د ځانمرګي بريد نيت يې درلود.
د اسلامي امارت ویاند ویلي چې په دغو کسانو کې هغه کسان هم شته چې په دې وروستیو کې د پاکستان د بلوچستان ایالت په مستونګ کې د داعش د خراسان څانګې له روزنیز کمپ څخه افغانستان ته راغلي دي.
مجاهد زیاته کړه چې په افغانستان کې د داعش له نسکوریدو وروسته د داعش د خراسان څانګې پاتې مشران او غړي د ځینو استخباراتي سازمانونو په مرسته بلوچستان او خیبر پښتونخوا ته لیږدول شوي او هلته یې تعلیمي مرکزونه او کمپونه جوړ کړي دي.
