د روسیې د بهرنیو چارو وزیر سرګي لاوروف، په اتلانتا کې د ۲۰ ډلې د بهرنیو چارو وزیرانو له غونډې وروسته وویل، که د اوکراین ولسمشر ولودیمیر زلنسکي له ولادیمیر پوتین سره د لیدنې غوښتنه ولري، کولای شي مسکو ته سفر وکړي او روسیه به یې امنیت تضمین کړي.
لاوروف همدارنګه تایید کړه چې د روسیې او اوکراین ترمنځ خبرې اترې به په ابوظبۍ کې ترسره شي؛ خو د نوموړي په وینا، لا هم څرګنده نه ده چې اوکرایني لوری به له کوم پلان سره دغو خبرو اترو ته ورګډ شي.
د روسیې د بهرنیو چارو وزیر د ۲۰ ډلې غونډې ته په اشارې وویل چې مسکو د خبرو اترو د غیرسیاسي کولو او پر اقتصادي موضوعاتو، انرژۍ، د خوړو خوندیتوب او اکمالاتي ځنځیرونو د تمرکز په اړه د امریکا له تګلارې هرکلی کوي.
