د بریتانیا د سمندري سوداګرۍ د عملیاتو ادارې اعلان کړی چې د تېلو یوه لېږدوونکې بېړۍ د هرمز تنګي اوبو ته د ننوتلو پر مهال د یوې نامعلومې وسلې له برید سره مخ شوې ده.
د دغې ادارې په وینا، په دې پېښه کې د بېړۍ د عملې دوه غړي سطحي ټپیان شوي او بېړۍ د خپل انجن په وسیله د خپل مقصد بندر پر لور روانه ده.
تر اوسه د دې پېښې له امله د احتمالي چاپېریالي زیان کچه نه ده معلومه او له پېښې سره نږدې نورو بېړیو څخه غوښتل شوي چې په احتیاط سره تګ راتګ وکړي او هر ډول پېښه راپور کړي.
