د اسلامي امارت د فواید عامې وزارت اعلان کړی چې د دې وزارت وزیر ملا محمد عیسی ثاني د هیواد شمالي ولایتونو ته د خپل کاري سفر په دوام سره د شمالي او جنوبي سالنګ د ځینو برخو د اساسي بیارغونې له پروسې څخه لیدنه کړې ده.
د وزارت په وینا، د سالنګ لویې لارې په مختلفو برخو کې قیر کول، کانکریټ اچول، د پلونو، پلچکونو او استنادي دیوالونو جوړول په چټکۍ سره روان دي.
د فواید عامې وزیر څارونکو، پلي کونکو ټیمونو او قراردادي شرکتونو ته لارښوونه کړې چې د پروژې کار د لوړ کیفیت لرونکي موادو په کارولو سره، د تخنیکي معیارونو سره سم او د ژمي موسم له پیل څخه مخکې بشپړ کړي.
د قراردادي شرکتونو چارواکو هم ډاډ ورکړی چې دوی به د سږ کال پلان شوي کار د تخنیکي معیارونو سره سم او د ژمي څخه مخکې په چټکۍ سره بشپړ کړي.
#افغانستان #سالنګ #سالنګ_لویه_لاره #بیارغونه #د_عامه_وفادارۍ_وزارت #ټرانسپورټ #سفیر_ټی وی
