د افغانستان د اسلامي امارت د بهرنیو چارو وزارت په یوه مطبوعاتي اعلامیه کې اعلان وکړ چې مولوي امیر خان متقي په یوه تلیفوني اړیکه کې له روزمیري ډیکارلو سره د اړمنو افغانانو ته د بشري مرستو د رسولو او د مرستو د پروسې د اغیزمنتوب د زیاتوالي په اړه نظرونه تبادله کړل.
د وزارت د مطبوعاتي اعلامیې له مخې، ډيکارلو د اسلامي امارت لخوا د بشري فعالیتونو لپاره د چمتو شوي همکارۍ او اسانتیاوو ستاینه وکړه او دا اقدامات یې د مرستو د اغیزمن او پر وخت ویش لپاره مهم وګڼل.
د ملګرو ملتونو مرستیال سرمنشي هم د افغانستان لپاره د ملګرو ملتونو د مرستندویه پلاوي (یوناما) او په افغانستان کې د ملګرو ملتونو د روانو فعالیتونو په اړه د وروستیو پرمختګونو په اړه له افغان لوري سره معلومات شریک کړل.
د خبرو اترو په پای کې، دواړو لوریو د متقابل تفاهم، رغنده تعامل او په اړینو سکتورونو کې د همکارۍ د پراختیا په دوام ټینګار وکړ.
#افغانستان #متقي #روزمیري_ډیکارلو #یوناما #بشردوستانه_مرسته #ملګري ملتونه
