د افغانستان د اسلامي امارت ویاند ذبیح الله مجاهد په یوه مطبوعاتي اعلامیه کې اعلان وکړ چې د پاکستان پوځ تیره شپه یو ځل بیا د افغانستان هوايي حریم نقض کړ او په کنړ، خوست او پکتیکا ولایتونو کې یې د استوګنې سیمې په هوايي بریدونو سره په نښه کړې.
د مجاهد په وینا، د دې بریدونو په پایله کې ۱۳ ملکي وګړي، چې ۱۱ ماشومان، یوه ښځه او یو سپین ږیری سړی پکې شامل وو، ووژل شول.
هغه زیاته کړه چې په دې پیښه کې ۱۴ نور کسان، چې ډیری یې ښځې او ماشومان دي، ټپیان شوي هم دي.
د اسلامي امارت ویاند دا بریدونه “د انسانیت پر وړاندې جرم” او د افغانستان پر خاوره یرغل وباله او په کلکه یې وغندل.
#افغانستان #پاکستان #خوست #کنړ #پکتیکا #ذبیح الله_مجاهد
د خبرونو پورې اړوند ویډیو د لاندې لینک څخه وګورئ
https://t.me/SafirTelevision1/32861
