په مسکو کې د افغانستان د اسلامي امارت د سفارت کلتوري اتشه فضل الهادي حمزه د “د نړۍ رنګونه” په نوم د بهرنیو ډیپلوماتانو د تخلیقي کارونو په نندارتون کې ګډون وکړ.
دا نندارتون د روسیې فدراسیون د بهرنیو چارو وزارت لخوا د دې هیواد د کلتور وزارت په همکارۍ د تریتیاکوف ګالري کې ترسره شو او د دوهم پرله پسې کال لپاره د “انټرموسیوم” نړیوال فستیوال د پروګرام برخه ده.
په دې نندارتون کې، په روسیه کې میشت افغان انځورګر ذبیح پیکان هم خپل هنري اثار نندارې ته وړاندې کړل، چې هرکلی یې وشو او د لیدونکو لخوا یې ځانګړې پاملرنه وشوه.
د نندارتون چارواکو د دې افغان هنرمند اثار د لومړي ځای غوره کار په توګه غوره کړل او ستاینه یې وکړه.
ویل کیږي چې ذبیح پیکان په مسکو کې د افغانستان د سفارت کلتوري اتشه لخوا په دې نندارتون کې د ګډون لپاره معرفي شو.
نندارتون به د دریو ورځو لپاره د خلکو لپاره خلاص وي.
