د قرغزستان ولسمشر صدر جباروف اعلان کړی چې که چیرې د ملګرو ملتونو د امنیت شورا دایمي غړیتوب ته وټاکل شي، نو هیواد به یې د افغانستان وضعیت ته ځانګړې پاملرنه وکړي.
هغه ټینګار وکړ چې د افغانستان ثبات په مستقیم ډول د مرکزي آسیا له امنیت سره تړلی دی او بشکیک به د افغانستان له خلکو، په ځانګړې توګه ښځو او ماشومانو سره خپلې بشري مرستې ته دوام ورکړي.
جباروف دا هم وویل چې قرغزستان د نړیوالې ټولنې سره د افغانستان د تدریجي اقتصادي او سیاسي ادغام ملاتړ کوي.
په ورته وخت کې، د اسلامي امارت مرستیال ویاند حمدالله فطرت د قرغزستان د ولسمشر د څرګندونو هرکلی وکړ او ویې ویل چې افغانستان د سیمې په ثبات کې مهم رول لوبوي.
قرغزستان یو له هغو لومړنیو هیوادونو څخه و چې په ۲۰۲۴ کال کې یې د افغانستان د اسلامي امارت نوم د منع شویو ډلو له لیست څخه لرې کړ.
