د ملګرو ملتونو د خوړو نړیوال پروګرام (WFP) ویلي دي چې په افغانستان کې د خوارځواکۍ کچه خطرناکې کچې ته رسیدلې ده، د پاکستان سره د لارو تړل، سیلابونه، زلزلې او د بشري مرستو کموالی ټول وضعیت خرابوي.
ادارې ویلي چې د منځني ختیځ کړکیچ، د تیلو د بیو لوړیدل او د اکمالاتي لارو خنډونه هم د مرستو رسولو باندې اغیزه کوي.
WFP د راتلونکو شپږو میاشتو لپاره د خپلو مرستو عملیاتو ته د دوام ورکولو لپاره د 350 ملیون ډالرو بیړنۍ مرستې غوښتنه کړې ده.
