د راپورونو له مخې، د “د افغانستان په مسله کې د ښکیلو هیوادونو د ځانګړو استازو د تماس ډلې” غونډه به سبا (دوشنبه، د سلواغه ۲۷ مه) د قزاقستان په پلازمینه آستانه کې ترسره شي.
د غونډې اصلي موضوعات د افغانستان د اوسني وضعیت بیاکتنه او له کابل سره د سیمه ییزې همکارۍ پیاوړتیا ده.
دا د تماس ډلې دویمه غونډه ده چې د ۲۰۲۴ کال د فبروري په میاشت کې په کابل کې د لومړۍ غونډې وروسته، چې د اسلامي امارت د استازو، ځانګړو استازو او د سیمې او ګاونډي افغانستان د هیوادونو سفیرانو په ګډون ترسره شوه.
د یادونې وړ ده چې پرون (د فبروري ۱۶مه)، د ازبکستان او قزاقستان لوړ پوړو چارواکو په یوه دوه اړخیزه غونډه کې د سیمه ییز اتصال په پروسو کې د افغانستان د ګډون امکانات، په ځانګړې توګه د ټرانس-افغانستان د ریل پټلۍ پروژې پلي کولو په اړه بحث وکړ.
