د امریکا ولسمشر ډونالډ ټرمپ د روسیې د ولسمشر ولادیمیر پوتین لپاره د اوکراین کې د اوربند لپاره د ټاکل شوي ضرب الاجل په اړه د یوې پوښتنې په ځواب کې وویل، چې نن (د اګست ۸، ۲۰۲۵) پای ته رسیږي، “د اوربند وروستۍ نیټه په هغه پورې اړه لري، [زه] ډیر مایوسه یم.”
دا څرګندونې په داسې حال کې وشوې چې په اوکراین کې د درې نیم کلنې جګړې د پای ته رسولو لپاره خبرو اترو هیڅ پرمختګ نه دی کړی او د اوکراین په ښارونو باندې د روسیې بریدونه دوام لري.
ټرمپ مخکې د اوربند لپاره ۵۰ ورځې ضرب الاجل ټاکلی و، چې وروسته یې ۱۰ یا ۱۲ ورځو ته راټیټ کړ او ګواښ یې وکړ چې که موافقه ونه شي نو پر روسیې او د هغې د تیلو پیرودونکو هیوادونو به سخت بندیزونه ولګوي.
په هرصورت، کریملین ته نږدې سرچینو ویلي چې پوتین د جګړې په جبهو کې د روسي ځواکونو د پرمختګ له امله د ضرب الاجل منلو ته زړه نه ښه کوي.
د ضرب الاجل په نږدې کیدو سره، تمه کیږي چې د متحده ایالاتو او روسیې د چارواکو ترمنځ خبرې اترې به د نن ورځې تر ناوخته پورې دوام وکړي، مګر د موافقې امکانات روښانه نه دي.
د خبرونو اړوند ویډیو در زیر لینک کې وګورئ
https://t.me/SafirTelevision1/24552
