د ازبکستان د بهرنیو چارو وزیر بختیار سیدوف عبدالغفار ترهوي د اسلامي امارت د نوي سفیر په توګه ومنله.
د ازبکستان د بهرنیو چارو وزارت د څلرنۍ په ورځ (د تله ۱۸مه) په یوه خبرپاڼه کې ویلي، چې د افغانستان لپاره د اسلامي امارت نوی سفیر بختیار سیدوف رسماً ومنل شو او خپل ماموریت یې پیل کړ.
دغه وزارت زیاته کړې، چې عبدالغفار ترهوي له بختیار سیدوف سره په لیدنه کې د کابل او تاشکند ترمنځ د اړیکو پر پیاوړتیا ټینګار وکړ.
دا په داسې حال کې ده، چې تر دې وړاندې د اسلامي امارت د بهرنیو چارو وزارت چارواکو تایید کړې وه، چې دوی په بېلابېلو هېوادونو کې شاوخوا ۳۹ سفارتونه کنټرولوي.
