د نړیوالې اټومي انرژۍ ادارې عمومي رییس له سي این این سره په یوه مرکه کې ومنله چې “دا سازمان داسې شواهد نه لري چې وښيي ایران د اټومي وسلو د ترلاسه کولو هڅه کوي.”
د دې راپور له مخې، د نړیوالې اټومي انرژۍ ادارې عمومي رییس رافیل ګروسي له سي این این سره په یوه مرکه کې، د خپلو پخوانیو ادعاوو برعکس چې د ایران پر وړاندې د صهیونیسټ رژیم د یرغل لامل شوي، ټینګار وکړ چې سازمان داسې شواهد نلري چې وښيي تهران د اټومي وسلو د ترلاسه کولو هڅه کوي.
د سي این این کوربه سره په یوه مرکه کې، چې یوه برخه یې په ایکس شبکه کې خپره شوې وه، ګروسي ټینګار وکړ: زه نه پوهیږم چې ایا داسې فعالیتونه وو چې پټ وو یا زموږ د پلټونکو له لاسرسي څخه بهر وو، مګر هغه څه چې زموږ پوهې او پوهاوي ته راغلل او راپور ورکړل شو دا دی چې “موږ داسې شواهد نه درلودل چې وښيي ایران په سیستماتیک ډول د اټومي وسلو د ترلاسه کولو هڅه کوي.”
ګروسي ومنله چې د نړیوالې اټومي انرژۍ ادارې وروستی راپور، د متحده ایالاتو د پالیسیو سره سم، په داسې ډول چمتو شوی و چې صهیونیسټ رژیم دا د ایران د برید لپاره د بهانې په توګه کارولی.
د خبرونو اړوند ویډیو د لاندې لینک څخه وګورئ
https://t.me/SafirTelevision1/22727
