د امریکا د خزانې وزارت اعلان وکړ چې د ډونالډ ټرمپ د اجرائیوي فرمان په تعقیب، د هیواد ولسمشر د سوریې په وړاندې د ځینو بندیزونو د کمولو لپاره عمومي او فوري واک صادر کړی دی.
له بلې خوا، د امریکا د بهرنیو چارو وزارت وايي: دوی د سوریې پر وړاندې د ځینو بندیزونو د کمولو لپاره د هیواد پریکړه د لنډمهاله جولاني حکومت د پرمختګ لپاره اغیزمنه ګڼي.
د امریکا د بهرنیو چارو وزیر روښانه کړه: “موږ د قیصر قانون له مخې د سوریې لپاره د بندیزونو معافیت صادر کړ ترڅو په دې هیواد کې پانګونه زیاته کړو.”
د وزارت په وینا، پر سوریې د بندیزونو لرې کول به په هیواد کې اساسي خدمات او بیارغونه اسانه کړي.
د امریکا د بهرنیو چارو وزارت هم په خپله اعلامیه کې ویلي چې د سوریې په اړه د نن ورځې اقدامات د دواړو هیوادونو ترمنځ د اړیکو د ښه والي لپاره لومړی ګام ګڼل کیږي، او موږ تمه لرو چې د سوریې پر وړاندې د بندیزونو له نرمیدو وروسته، دمشق به د مهمو سیاسي لومړیتوبونو په اړه ګامونه پورته کړي (د ابراهیمي تړون سره یوځای کیدل، د اسراییلي رژیم سره د اړیکو عادي کول، د سوریې د پخواني حکومت سره نږدې او په دمشق کې میشت د فلسطیني ډلو قوماندانان ایستل، او د داعش سره مبارزه).
