د اسراییلو ضد عملیاتو په اړه د حزب الله پنځه بیانونه / د دښمن په لیکو کې تر ۲۵ زیات وژل شوي او ۱۳۰ ټپیان دي

د لبنان حزب الله نن سهار (یونۍ د تله ۱۵مه) د پنځو بیانونو په خپرولو سره د صهیونیسټانو د مرکزونو او پوځیانو په نښه کولو او له دغو تیریګرو سره د نښتې خبر ورکړ.

د لبنان حزب الله په یوه بیان کې چې په خپل ټیلیګرام پاڼه کې خپره شوې ویلي: له تېرو څو ورځو راهیسې چې د دښمن پوځ د لبنان د جنوب په کلیو کې د ځمکنیو عملیاتو د پیلولو اعلان کړی، د دښمن له شلو څخه زیات افسران او عسکر وژل شوي دي. او موږ له 130 څخه ډیر ټپیان تایید کړل.”