د سعودي عربستان د بهرنیو چارو وزیر فیصل بن فرحان د ملګرو ملتونو د عمومي اسامبلې په ۸۱مه غونډه کې په خپله وینا کې د فارس خلیج د امنیت او په نړیوالو اوبو لارو، په ځانګړي ډول د هرمز تنګي او بابالمندب په تنګي کې د سمندري تګ راتګ د آزادۍ د تأمین غوښتنه وکړه.
بن فرحان وویل، د فارس خلیج امنیت د سیمې او نړۍ د امنیت نه بېلېدونکې برخه ده او د نړیوال سمندري تګ راتګ پر وړاندې ګواښونه کولی شي پر نړیوال اقتصاد اغېزې ولري.
د سعودي عربستان د بهرنیو چارو وزیر هم ادعا وکړه چې دغه هېواد او د سیمې یو شمېر هېوادونه د ایران د بریدونو هدف ګرځېدلي او د هغوی امنیتي او اقتصادي سرچینو ته زیان رسېدلی دی؛ دا برخه د سعودي چارواکو دریځ او ادعا ده.
نوموړي په سیمه کې د کړکېچونو د کمولو له هڅو، په ځانګړي ډول د قطر او پاکستان له هغو هڅو څخه چې د ثبات په ټینګښت کې مرسته کوي، ملاتړ وکړ.
#سعودي_عربستان #ملګري_ملتونه #فیصل_بن_فرحان #فارس_خلیج #هرمز_تنګی #باب_المندب #سمندري_تګ_راتګ
