د سپاه پاسداران د عامه اړیکو ادارې اعلان وکړ چې د دغه بنسټ هوايي-فضايي ځواک په څو بالستیک توغندیو سره د امریکا د سمندري ځواکونو یوه د طیارو وړونکې بېړۍ او یوه جنګي بېړۍ په نښه کړې ده؛ د سپاه په وینا، دغو بېړیو د ایراني بېړیو په ځورولو او د سمندري محاصرې په رامنځته کولو کې رول درلود.
سپاه ادعا کړې چې دغه دواړه بېړۍ له زیانمنېدو او د بیا برید له وېرې وروسته د جګړې سیمه پرېښې ده؛ دغه بنسټ همداراز د امریکا د مرکزي قوماندانۍ له لوري د عملیاتو تأیید د امریکا د «ستراتېژیکې ماتې سند» او د خپل بریدیز ځواک نښه بللې ده.
په یوه بل خبرپاڼه کې، د سپاه د عامه اړیکو ادارې اعلان وکړ چې د دغه بنسټ سمندري ځواکونو د امریکا یوه «شمپاد» (له لرې څخه د کنټرولېدونکې بېړۍ) چې غوښتل یې د هرمز تنګي خوندي شوې سیمې ته ننوځي، په نښه کړې ده.
سپاه ټینګار کړی چې د هرمز تنګی د ایران اسلامي جمهوریت تر مدیریت لاندې دی او د امریکا هر ډول دښمنانه اقدام به د ایران د وسلهوالو ځواکونو له غبرګون سره مخ شي؛ دغه بنسټ له امریکا غوښتي چې سیمه پرېږدي او خپلې شرارتونه پای ته ورسوي.
