د ترکیې ولسمشر رجب طیب اردوغان د پاکستان له لومړي وزیر شهباز شریف سره په یوه ګډه خبري غونډه کې د امریکا او ایران ترمنځ د اسلام آباد د هوکړې د لاسته راوړنې هرکلی وکړ او د پاکستان حکومت او لومړي وزیر ته یې د دې بریا مبارکي وویله.
اردوغان وویل چې ترکیه تل د هر هغه اقدام ملاتړ کړی او ملاتړ به یې کوي چې په سیمه کې د تاوتریخوالي کمولو او د ډیپلوماسۍ له لارې د شخړو حل کولو کې مرسته کوي.
هغه دا هم ټینګار وکړ چې انقره د اسراییلي رژیم د حرکتونو څارنه کوي، چې د هغه په وینا د تړون د کمزوري کولو په هدف دي.
د ترکیې ولسمشر زیاته کړه چې اسراییل له شخړو څخه ګټه پورته کوي او د فلسطینیانو پر وړاندې به خپلو بریدونو ته دوام ورکړي.
اردوغان ټینګار وکړ چې د اقداماتو زیاتیدل باید په سیمه کې د نورو خونړیو پیښو لامل نشي.
#ترکیه #اردوګان #پاکستان #ایران #امریکا #ډیپلوماسي #منځنی ختیځ
