د هرات والي نور احمد اسلام جار په افغانستان کې د ټاپي پروژې له رییس او په هرات کې د ترکمنستان د قونسلګرۍ له مرستیال بګانج عبدالله یف سره وکتل، ترڅو د ټاپي پروژې د پلي کولو پروسې او د دواړو هیوادونو ترمنځ د اقتصادي همکارۍ د پراختیا په اړه بحث وکړي.
په دې غونډه کې، چې په هرات کې د بهرنیو چارو وزارت استازي هم ګډون کړی و، دواړو خواوو د ټاپي پروژې د پلي کولو په چټکتیا او د اقتصادي اړیکو په پیاوړتیا ټینګار وکړ.
د هرات والي په تورغنډي او سرحد آباد کې د افغان-ترکمنستان ګډ نندارتون د جوړولو وړاندیز هم وکړ، چې د ترکمن لوري لخوا یې هرکلی وشو.
په پای کې، دواړو خواوو د افغانستان او ترکمنستان ترمنځ د همکارۍ په دوام او د اقتصادي اړیکو په پراختیا ټینګار وکړ.
#هرات #تاپي #افغانستان #ترکمنستان #اقتصاد #سوداګري
