د عبراني ورځپاڼې “یسرایل حیوم” راپور ورکړی چې د امریکا پوځ د غزې تړانګې شاوخوا او د “رائم” اډې ته نږدې د خنډونو د دیوال په اوږدو کې د یوې لویې اډې جوړول پیل کړي دي.
د راپور له مخې، دا اډه به د نړیوالو ادارو او ځواکونو د ځای پرځای کولو لپاره د پوځي او ملکي مرکز په توګه وکارول شي.
رسنیو ادعا وکړه چې نوې اډه به د “ټرمپ پلان” د پلي کولو په چوکاټ کې جوړه شي او نړیوال ځواکونه او ادارې به دا مرکز په سیمه کې د خپلو فعالیتونو لپاره وکاروي.
دا هم ویل شوي چې دا اډه به د “کریات ګات” په سیمه کې د پخوانیو څو مليتي مرکزي دفترونو ځای ونیسي او د غزې تړانګې شاوخوا د نړیوالو فعالیتونو په همغږۍ کې به مهم رول ولوبوي.
تر اوسه پورې، امریکایي او اسراییلي چارواکو په رسمي ډول د دې راپور او د هغې د جزیاتو په اړه تبصره نه ده کړې.
#امریکا #غزه #صهیونیسټ_رژیم #اسرائیل_حیوم #پوځي_بیس #رائم #منځنی_ختیځ
