د امداد خیریه بنسټ د ترکیې د یوې خیریه موسسې په همکارۍ، د مزار شریف په ښار کې یو شمېر معلولیت لرونکو ښځو او اړمنو کورنیو ته د قربانۍ غوښه وویشله.
د دې بنسټ چارواکو وویل چې د لوی اختر په جریان کې، ۴۰۰ غواګانې حلالې شوې او د هغوی غوښه شاوخوا ۱۲۰۰۰ اړمنو کورنیو ته وویشل شوه.
د دوی په وینا، کډوال، کونډې، یتیمان او معلولیت لرونکي خلک د دې مرستې ترلاسه کونکو په ډله کې وو.
د امداد خیریه بنسټ چارواکو وویل چې د دې پروګرام هدف د زیان منونکو ډلو ملاتړ کول او اړمنو کورنیو ته اجازه ورکول دي چې د لوی اختر په خوښیو کې شریک شي.
