امریکايي رسنیو د دغه هیواد د چارواکو په حواله راپور ورکړ چې د امریکا پوځ یو شمېر ایراني ډرونونه او د ځمکې پر بنسټ د ډرون لانچ سیسټم په نښه کړی دی.
رویټرز خبري اژانس هم د یوه امریکايي چارواکي په حواله راپور ورکړ چې د امریکا پوځ په ایران کې د یوې پوځي ځای په وړاندې نوي هوايي بریدونه کړي دي؛ هغه ځای چې واشنګټن ادعا کوي د هرمز تنګي کې د امریکا ځواکونو او بار وړلو ته ګواښ دی.
دا پرمختګونه په داسې حال کې رامنځته شول چې نن سهار رسنیو راپور ورکړ چې د بندر عباس په ختیځ کې څو چاودنې واورېدل شوې او اعلان یې وکړ چې د ښار د هوايي دفاع سیسټم هم د څو دقیقو لپاره فعال شوی دی.
