د لبنان په جنوبي ښار طیردبای باندې د صهیونیسټ رژیم د برید په لومړني احصایو کې ۳ شهیدان او ۱۵ ټپیان دي
د یکشنبې او دوشنبې په شپه د لبنان په جنوبي ښار طیردبای (طور سیمه) باندې د اسراییلي رژیم د هوايي برید په پایله کې لږ تر لږه ۳ ملکي وګړي شهیدان او ۱۵ نور ټپیان شوي دي.
د صهیونیسټ رژیم بریدونو په مستقیم ډول د استوګنې سیمې په نښه کړې او ډیر دروند زیان یې اړولی دی؛ ځینې ودانۍ په بشپړه توګه ویجاړې شوې، پداسې حال کې چې نورې ودانۍ او زیربناوې سختې زیانمنې شوې دي.
د لبنان د عامې روغتیا وزارت سره تړلي د روغتیا بیړني عملیاتو مرکز په یوه بیان کې اعلان وکړ: د لومړنیو احصایو له مخې، د طیردبای په ښار باندې د صهیونیسټ دښمن برید د ۳ کسانو د شهادت او ۱۵ نورو د ټپي کیدو لامل شو.
دا برید د یکشنبې په ورځ د صهیونیسټ رژیم د تیري د بې ساري زیاتوالي یوه برخه وه، چې د پلازمینې بیروت تر مرکز پورې یې سویلي لبنان پوښلی و، چې لوی زیان یې اړولی او د ملکي شهیدانو او ټپیانو په شمیر کې د پام وړ زیاتوالی راغلی دی.
د خبرونو اړوند ویډیو د لاندې لینک څخه وګورئ
https://t.me/SafirTelevision1/29756
