د ایران د بهرنیو چارو وزارت ویاند اسماعیل بقايي اعلان وکړ چې هیواد به یې راتلونکې اونۍ د افغانستان په اړه یوه سیمه ییزه غونډه کوربه وي.
د کابل او اسلام آباد ترمنځ وروستیو ترینګلتیاوو ته په اشارې سره، بقايي ټینګار وکړ: “ایران په خپل ګاونډ کې سولې او ثبات ته لومړیتوب ورکوي او د سیمه ییزو هیوادونو ترمنځ د ترینګلتیاوو کمولو او سو تفاهم رامینځته کولو لپاره به هیڅ هڅه ونه سپموي.”
د هغه په وینا، دا غونډه به د افغانستان په چارو کې د پاکستان، تاجکستان، ازبکستان، ترکمنستان، چین او روسیې ځانګړي استازي په تهران کې راټول کړي.
د یادونې وړ ده چې د غونډې دقیق نیټه او اجنډا لا نه ده اعلان شوې.
