د انصارالله ویاند او د یمن د مذاکراتي ټیم مشر محمد عبدالسلام له المسیره سره په مرکه کې وویل: د یمن اوسنی دریځ زموږ ځواک او ثبات ښیي؛ د اوربند دا غوښتنه موږ ته د عمان له لارې له متحده ایالاتو څخه راغله.
موږ له امریکا څخه کومه غوښتنه نه ده کړې، بلکې دا امریکایانو وو چې خپل پیغامونه او غوښتنې یې د عمان له لارې رالیږلې وې.
اسراییل د امریکا له دریځ څخه ډېر مایوسه دی، ځکه چې امریکا هڅه کوله چې ځان د یمن له دلدل څخه وژغوري.
د سمنټو فابریکو، د بریښنا فابریکو، اوبو او ملکي هوایی ډګرونو په نښه کول د دوی څرګنده ناکامي ښیي.
هغه څه چې موږ وایو او هغه څه چې د عمان د بهرنیو چارو وزارت په بیان کې ویل شوي، حقیقت دی.
هر څوک چې د یمن په وړاندې په یرغل کې مداخله کوي، هغه به هماغسې پایلې او زیانونه وزغمي چې امریکا ورسره مخ شوه.
اسراییل غواړي چې په دې بریدونو سره خپل له لاسه ورکړی اعتبار بیرته ترلاسه کړي، خو دا نندارې بې ګټې دي.
