د یمن د انصارالله مشر، سید عبدالمالک بدرالدین الحوثي، د ایران، لبنان، فلسطین او د سیمې د نورو هیوادونو پر وړاندې د امریکا او صهیونیسټ رژیم یرغلونه د صهیونیسټانو د پروژې د پلي کولو لپاره د لارې هوارولو د هڅې یوه برخه ګڼلې او ویلي یې دي چې دا بریدونه د دې پروژې په وړاندې د خنډونو د لرې کولو په هدف ترسره کیږي.
هغه امریکا د “لالچي دښمن” په توګه تشریح کړه چې لویدیځې آسیا ته د اشغال، وژنې، سرچینو لوټ کولو او د سیمې د هیوادونو د تسلط لپاره ننوتلی دی. هغه په عراق باندې د امریکا او سعودي وروستي بریدونه هم “خیانت” او ظالمانه وبلل، او د عراقي ملت، امنیتي ځواکونو او د قربانیانو د کورنیو سره یې خواخوږي څرګنده کړه.
الحوثي زیاته کړه چې دښمنان د “منځني ختیځ بدلول” او “لوی اسراییل” په څیر شعارونو سره د صهیونیسټانو د پلانونو د پلي کولو په لټه کې دي او ډیری حکومتونه هم د دې پروژې د ملاتړ په لاره کې دي؛ هغه د سعودي عربستان په اړه د ډونالډ ټرمپ څرګندونو ته هم اشاره وکړه، ویې ویل چې امریکا دغه هیواد ته د “شیدې ورکوونکې غوا” په سترګه ګوري او تر هغه وخته پورې به ترې ګټه پورته کړي چې ګټې یې خوندي شي.
#یمن #عبدالمالک_حوثي #ایران #فلسطین #لبنان #عراق #امریکا #سعودي عربستان #سفیر_ټی وی
