د لبنان د حزب الله عمومي منشي شیخ نعیم قاسم د عاشورا د مرکزي شورا د پرانیستې په مراسمو کې اعلان وکړ چې د سږ کال د عاشورا د مراسمو لپاره د غورځنګ شعار “الحسین نهجنا” (حسین زموږ لاره ده) دی.
هغه سید حسن نصرالله ته درناوی وړاندې کړ او ویې ویل: “نن، موږ د ملت د شهیدانو د مشر د قبر تر څنګ د عاشورا لمانځنه کوو؛ هغه شخصیت چې دې غورځنګ ته یې الهام ورکړی او تل په ټولو روحاني پروګرامونو کې شتون لري.”
د حزب الله عمومي منشي زیاته کړه چې امام حسین (ع) د استقامت، ډاډ، رڼا او لارښوونې سمبول دی، او د هغه لاره او طریقه د مقاومت د پیروانو روښانه لاره ګڼل کیږي.
شیخ نعیم قاسم په سیمه کې پرمختګونو ته په اشارې سره د مقاومت د جبهې د ملاتړ له امله د ایران د اسلامي جمهوریت څخه مننه وکړه او ادعا یې وکړه چې د واشنګټن د فشارونو اصلي هدف د ایران رژیم نسکورول وو، چې د هغه په وینا ناکام شوی دی.
هغه د ایران او امریکا ترمنځ د وروستي تړون په اړه د ایران ملت، د مقاومت غورځنګ او د نړۍ ملتونو ته مبارکي وویله او دا یې د امریکا او صهیونیسټ رژیم د پالیسیو د ناکامۍ نښه وګڼله.
د خپلې وینا په یوه بله برخه کې، د حزب الله عمومي منشي ټینګار وکړ چې صهیونیسټ رژیم د لبنان د کمزوري کولو او نیولو هڅه کوي، مګر مقاومت د “لوی اسراییل” پروژې د شنډولو توان لري.
هغه دا هم وویل چې د مقاومت د بې وسلې کولو هیڅ پلان به بریالی نشي، او زیاته یې کړه چې صهیونیسټ رژیم باید د لبنان له نیول شویو سیمو څخه ووځي.
#حزب الله #شیخ_نعیم_قاسم #عاشورا #الحسین_نهجنه #لبنان #مقاومت #ایران #سید_حسن_نصرالله
