د روغتیا نړیوال سازمان د افغانستان په بېلابېلو سیمو کې د پولیو یا ګوزڼ د شپږو نوو پېښو د ثبت خبر ورکړی دی. د دغه سازمان د راپور له مخې، درې پېښې په کندهار، دوه پېښې د ننګرهار ولایت په بټيکوټ او گوشته ولسوالیو او یوه پېښه د کابل ولایت په موسهي ولسوالۍ کې ثبت شوې ده.
د دغو پېښو په ثبتېدو سره، د ۲۰۲۶ کال له پیل راهیسې په افغانستان کې د پولیو د ټولو ثبت شویو پېښو شمېر ۴۲ ته رسېدلی دی.
دا په داسې حال کې ده چې د عامې روغتیا وزارت تر دې وړاندې راپور شوې پېښې نه وې تایید کړې او شکمنې یې بللې وې.
